黃金盛女│傅穎出道20年 北漂重獲「自由」

-

黃金盛女│傅穎出道20年 北漂重獲「自由」

「雖然我姓傅,可我不跟負能量打交道。」37歲「黃金盛女」傅穎(Theresa),在娛樂圈工作了20年,走過高山低谷,眼光不一樣,她謂近年深深感受到香港受社會氛圍影響,負能量激增,Theresa最近在小紅書上載短片時有感而發。

特約記者 知樂

Theresa近年在內地找到發展新方向。
Theresa近年在內地找到發展新方向。

入行廿年得着 心態放平

2020年年底,Theresa返港探親,並接拍了Viu TV電視劇《熟女強人》,重投本土製作,「熟女強人畀到更多內地觀眾留意我,係我意料之外,或者角色又比較新鮮。我都好耐冇用廣東話演戲,真係好過癮。」畢竟大江南北的機會始終較多,近一年Theresa都在廣州開工。

雖然中港兩地文化差異,但Theresa當年很快就適應了北漂,覺得在內地工作和生活很「自由」。原來,她被香港的狗仔隊嚇怕,自嘲在內地是「小透明」,出入不會被追拍。「香港狗仔隊太勤力,而且每日都需要寫好多娛樂八卦,即使藝人做好普通嘅嘢,例如行街食飯,都會被歪曲放大,我好多時唔想節外生枝,寧願收埋自己,減少曝光。」

視像解鄉愁 掛念貓星人

「喺內地生活,演戲係我嘅工作,工作以外都係正常生活,去玩、去學習,可能因為個人輕鬆咗,冇咁多不必要嘅壓力,生活都變得充實。」

科技發達,視像通話直接為Theresa解「鄉愁」,話雖如此,她仍最掛念香港的「貓星人」瓜瓜,牠暫時交托友人照顧:「家人朋友成日可以視像,但貓咪唔識講嘢,好想知佢開唔開心。」Theresa去年索性在廣州收養了另一隻貓咪。

電視劇金句「人生有幾多個十年」,Theresa出道至今,在演藝路走了20年,「有得着,都有失去,算係平衡。人生唔會一帆風順,亦唔會永遠喺谷底浮浮沉沉,當中有喜有樂,不斷成長,今日嘅我,會同番十幾歲嘅自己講,『人生就係一步一腳印,要走好每一步』」

「人生…..冇白行嘅路,每走一步,每做一件事,每個經歷都似冥冥中有主宰,當中會有自己嘅選擇,有人會問:『如果當日冇咁揀,係咪就會有不一樣嘅人生?』但我相信,凡事都有對立面,有捨有得,每個選擇都有佢背後嘅因由,好難定義。」銳變後的Theresa最大得着是學會把心態和位置放平,「人生幾時都可以係一個新開始,永遠唔會遲。」

貓癡Theresa在廣州收養了一隻小貓,改名17。
貓癡Theresa在廣州收養了一隻小貓,改名17。
上一篇新聞
下一篇新聞