「雖然我姓傅，可我不跟負能量打交道。」37歲「黃金盛女」傅穎(Theresa)，在娛樂圈工作了20年，走過高山低谷，眼光不一樣，她謂近年深深感受到香港受社會氛圍影響，負能量激增，Theresa最近在小紅書上載短片時有感而發。

特約記者 知樂

入行廿年得着 心態放平

2020年年底，Theresa返港探親，並接拍了Viu TV電視劇《熟女強人》，重投本土製作，「熟女強人畀到更多內地觀眾留意我，係我意料之外，或者角色又比較新鮮。我都好耐冇用廣東話演戲，真係好過癮。」畢竟大江南北的機會始終較多，近一年Theresa都在廣州開工。

雖然中港兩地文化差異，但Theresa當年很快就適應了北漂，覺得在內地工作和生活很「自由」。原來，她被香港的狗仔隊嚇怕，自嘲在內地是「小透明」，出入不會被追拍。「香港狗仔隊太勤力，而且每日都需要寫好多娛樂八卦，即使藝人做好普通嘅嘢，例如行街食飯，都會被歪曲放大，我好多時唔想節外生枝，寧願收埋自己，減少曝光。」

視像解鄉愁 掛念貓星人

「喺內地生活，演戲係我嘅工作，工作以外都係正常生活，去玩、去學習，可能因為個人輕鬆咗，冇咁多不必要嘅壓力，生活都變得充實。」

科技發達，視像通話直接為Theresa解「鄉愁」，話雖如此，她仍最掛念香港的「貓星人」瓜瓜，牠暫時交托友人照顧：「家人朋友成日可以視像，但貓咪唔識講嘢，好想知佢開唔開心。」Theresa去年索性在廣州收養了另一隻貓咪。

電視劇金句「人生有幾多個十年」，Theresa出道至今，在演藝路走了20年，「有得着，都有失去，算係平衡。人生唔會一帆風順，亦唔會永遠喺谷底浮浮沉沉，當中有喜有樂，不斷成長，今日嘅我，會同番十幾歲嘅自己講，『人生就係一步一腳印，要走好每一步』」

「人生…..冇白行嘅路，每走一步，每做一件事，每個經歷都似冥冥中有主宰，當中會有自己嘅選擇，有人會問：『如果當日冇咁揀，係咪就會有不一樣嘅人生？』但我相信，凡事都有對立面，有捨有得，每個選擇都有佢背後嘅因由，好難定義。」銳變後的Theresa最大得着是學會把心態和位置放平，「人生幾時都可以係一個新開始，永遠唔會遲。」