「香港兩餸飯關注組」近月人氣急升，並登上《New York Times》，揚威海外。版主Andrew在管理關注組上亦別樹一格，社工式管理，在群組內勸交說理，重視網友分享，甚至歡迎「打手」加入，認為每個人都有「自決」能力。

以facebook關注組的數據評估市況，不失為一個有趣參考。群組現擁有7.7萬名成員，具有一定指標。Andrew打開facebook，以管理員身份顯示關注組數據，可見恢復晚市堂食後，群組留言及互動人數一度急跌，數日後已回復正常，「全日都有post」。

群組擁7.7萬名成員

關注組在高峰期，最多一日有1,600人入組，現時平均100至300人，最多一日有80個post，現時平均40至50個，接近第五波疫情前的數量，可見兩餸飯仍有一定關注度。雖然有兩餸飯店經已結業，但亦有新店加入戰團，「我淨係知呢個禮拜，仲有10幾間新開張」。兩餸飯地圖顯示，同類店舖仍維持在300餘間。Andrew認為，疫情令飲食文化改變，部份人已習慣買外賣，尤其一般茶記或連鎖快餐亦要50、60元消費，兩餸飯是6折或7折價錢，「食得返自己畀錢應該要得到嘅嘢」。

相比其他美食關注組，Andrew在管理上強調言論自由，開放予各方討論，有組員被指是打手，他就回應即使是食店一方，亦有權發帖及留言宣傳，「你係咪覺得打手令你幫襯咗佢，好蝕底呢？你咪去試咗，上返嚟寫返佢，話與事實不符囉」。

他是社工，其專業訓練重視「自決」，「要為自己行為負責，你覺得人咃呃咗你去食，都係你自己嘅決定，你有權話返人哋唔好食」。所以他從不理會打手與否的爭論，甚至會自嘲自己是打手，「所有人互相去捉鬼，唔會有人分享，個group（群組）就散架喇」。他表示，建立群組的初心是分享，「我明白做生意唔容易，不如我係呢個group（群組）免費畀人宣傳」，食店的宣傳成本降低，消費者亦獲得免費資訊。

註：「人人有飯開」及「齊記美食」的負責人，不約而同地指沒有打手在關注組，Ian及Benson稱平日都有留意關注組，Ian笑言，「我哋係CD-Rom嚟，好少留言，留言通常都係讚人哋囉，我哋有真係畀like架」。至於Benson，齊記原本只安排Ian受訪，Benson其後得知Andrew會現身，為見對方一面亦接受訪問，三人在屯門友愛分店前相會，隨即「雞啄唔斷」說起兩餸飯經。