做飛機師是楊生從小夢想，早年更特地赴英攻讀飛機工程，雖然最終做不成機師，卻依然選擇從事航空業，多年來涉足不同範疇，「最後都係離開呢個行業」。43歲轉行創業，自學烹飪，想開餐廳推廣健康素食，「煮食係我好大嘅興趣」。他的餐牌會仔細註明各種食材，沒有蛋、奶，亦沒有假肉，不用任何添加劑，「要利用原本食物去做每一樣菜式出嚟」。

一個人的廚房，甚麼事都要自己來，又堅持「homemade（自製）」，事前工夫一大堆。看着楊生高大的身形在廚房打轉，素食漢堡那一塊「漢堡扒」，他亦非用現成假肉或大啡菇充數，「都係自己用豆、用蕃薯去做出嚟，冇添加劑」。連跟餐湯的麵包，亦是自家發酵烘焙，「出面買麵包，好少搵到冇添加嘅」，自製麥包材料有麵粉、水、鹽、果仁、種子、蜜糖、酵母，「係咁多，始終自己整，係有自己嘅味道」。記者見着他將發酵好的麵團放進焗爐，20分鐘後出爐，香氣四溢。

為開拓更多客源，他特設兩個品牌，一個中式、一個西式，都是主打素食，惟一日10多張單已是能應付的極限。他亦直言，幽靈廚房租戶雖能節省實體店租金及裝修費，但外賣平台抽佣亦是一大成本，「租都未夠畀，每個月仲係付出緊」。

他同時留意到，甚少創業者會一直留在幽靈廚房，大部份在完約後便會離開，僅利用那一年時間儲客，之後在同區開設實體店，自己亦正朝着這個目標前進。不過，無論最終能否開店，楊說已很有滿足感，「開心，學到好多嘢，可以係比屋企大好多嘅廚房，你可以做吓實驗，研究吓新菜式，同隔離鄰舍都好傾得埋」。

以楊生的創業及首年營運成本，約需56萬元港元（詳情見表），惟若經營一間實體食肆，連同舖租、裝修、牌照費、聘請人手等，他粗略估計最少需133萬港元，是加入幽靈廚房成本的一倍有多。