ViuTV一姐│Hailey:等開關去雪卵

-

ViuTV一姐│Hailey:等開關去雪卵

Hailey不羡慕昔日「八模兵團」好姊妹過半已結婚生仔,「呢啲嘢有得必有失,當事業衝刺,好難一下子停低,如果我生咗小朋友,可能都想放多啲時間喺佢哋身上,而家未生咪放多啲時間畀狗仔、阿媽同做嘢,一樣好充實。」Hailey從不公開戀情,一切隨緣,遇上Mr. Right不排除閃婚,「呢個歳數公開咗,人哋都好大壓力,個個都追問『點呀?幾時結婚?』阿媽又問;fans又問,自己做呢行要承受,另一半未必想人哋追問,仲會覺得佢唔娶我係罪過。」

未婚Hailey已計劃生仔,擔心做高齡產婦,一直考慮雪卵,甚至將來生仔搵代母,「總有個歲數生唔到,真係想要小朋友,可能而家就應該去雪卵,未開關咋,去外國雪會平啲。話晒雪咗,有得揀生定唔生,我覺得成功女士應該要咁做。」

Hailey的上位秘笈,她語重深長,「呢個圈係圓,唔好得罪人。我嘅經驗仲要唔怕蝕底,新人初入行,做嘅嘢自己未必鍾意,但過程會令你得到機會,一定要堅持,正如當年做𡃁模,如果抗拒成日影泳衣,咁永遠等唔到之後嘅機會。」Hailey近日拍劇,發現過足戲癮,又萌生新目標,「我鍾意咗演戲,發覺演員領域更大。」她又將勤補拙,勤力肯定是成功藝人的要訣。

上一篇新聞
下一篇新聞