承印:觀傳媒集團有限公司   地址:長沙灣青山道654-656號浪涛大厦11楼

非常爸爸|全心全意照顧SEN兒 「埋怨只令小朋友收得更埋」

-

非常爸爸|全心全意照顧SEN兒 「埋怨只令小朋友收得更埋」

任職保險理財顧問的Jonathan育有兩子,分別是6歲多長子Markus和5歲多的幼子Morris。兩兄弟都是SEN兒童,所謂SEN就是「Special Education Needs」的縮寫,意即特殊教育需要,近年這狀況非常普遍,教育局把SEN分為9個類別,分別是讀寫障礙、注意力不足/過度活躍症、自閉症、言語障礙、智力障礙、聽力障礙、肢體傷殘、視覺障礙及精神病。Markus和Morris分別被評估有自閉症和過度活躍症傾向。
撰文:知樂| 攝影:M.L
場地:Peppa Pig玩樂日互動特展

面對小兄弟都是「問題」兒童,Jonathan夫婦雖苦惱,但不氣餒,積極尋求改善方法,幫助兒子上正軌。「非常爸爸」Jonathan日前接受《觀新聞》訪問,他表示發現Markus兩歲時有異樣,「哥哥喺屋企等沖奶,冇耐性、好心急,好chur。返N班,(班)主任又同我哋講佢喺學校內成日坐唔定,周圍走唔聽老師指令,返咗兩、三個月仲有過份行為,佢會搣爛壁報板啲紙、撕爛牆紙,見牆有窿又會去撩。哥哥仲唔肯落校車返學,要保母拖佢入去。」

Markus和Morris上課時十分專心。
Markus和Morris上課時十分專心。
Jonathan為兒子報讀有助糾正的訓練。
Jonathan為兒子報讀有助糾正的訓練。

V Brain課程奏效

班主任建議Jonathan帶囝囝見專家評估,獲悉Markus有自閉症傾向,少他一歲的弟弟Morris耳濡目染兄長行為,「曳嘢」有樣學樣,也被指有過度活躍症傾向。Jonathan說:「試過兩兄弟家中將唔鍾意嘅玩具,掉入我用膠板圍高嘅佛壇,又試過引我哋注意係咁開關啲燈掣。」Jonathan教導上十分費神。

V Brain的內腦神經反饋培訓及咨詢師Sarah講解Jonathan囝囝學習進度。
V Brain的內腦神經反饋培訓及咨詢師Sarah講解Jonathan囝囝學習進度。
兩子是Peppa Pig忠粉,Jonathan特意帶二人到互動特展放電。
兩子是Peppa Pig忠粉,Jonathan特意帶二人到互動特展放電。

父母最擔心兩子專注力差,會有學習和社交障礙,所以因應需要為他們報讀有助糾正的訓練,其中發覺V Brain的課程最奏效。「以前哥哥唔肯做功課,家專注力好咗,好乖寫字,啲字仲好靚,9月佢仲會升小一。」弟弟Morris外出參加運動班也變得合群,還樂於遵從導師指令。訪問當日,直擊小兄弟上V Brain,他們甫入課室便自動自覺到書桌前準備,非常自律,上課期間也專心。

Jonathan耐心教導兒子,希望幫助他們增加專注力。
Jonathan耐心教導兒子,希望幫助他們增加專注力。
Markus和Morris分別被評估有自閉症和過度活躍症傾向。
Markus和Morris分別被評估有自閉症和過度活躍症傾向。

減少甜食和戒Flash

在課室外等候的Jonathan向中心的內腦神經反饋培訓及諮詢師Sarah了解兒子學習進度,Sarah除分析數據,還叮囑家長配合,減少給孩子過量甜食和戒flash(即玩電腦或看電視),兩者都會刺激兒童過度興奮,減低專注力,建議當孩子吃甜後,同時要安排他們至少「放電」半小時。

Jonathan對囝囝情況採取開明態度。「上一輩覺得自閉症好負面,好似the end of the world。今時唔同往日,父母唔好怕講出嚟小朋友被標籤,畀多啲耐性,唔好埋怨,否則父母嘅負面訊息,會令小朋友仲收得更埋。」