承印:觀傳媒集團有限公司   地址:長沙灣青山道654-656號浪涛大厦11楼

8歲癡戀古天樂 J.Arie:想同佢談情生仔

-

8歲癡戀古天樂 J.Arie:想同佢談情生仔

J.Arie自認地獄廚神,只出得廳堂,唔入得廚房,擇偶條件是希望另一半擅廚藝。要從圈中男藝人中找到老公、情人和知己,她便狂笑說:「我即刻『紅都面晒』,我鍾意嘅好廣㗎,古生(古天樂) 、林家楝,仲有MK之父保錡。」與他們配對老公、情人和知己,「情人呀, 我想試下同古生談吓情。老公就家楝穩重啲,好多artist外表似playboy,其實真人唔係,反而好老實。淨番保錡,做知己喇,佢做到呀,我哋之間冇情情塔塔嘢講,共同話題係傾音樂」。

鍾情男人會顧全大局

在J仔眼中他們都是好男人,但要三揀一?「古生喇,唔關靚仔事,我實在癡戀佢太耐,我同佢咁講又會抦我喇。」32歲的J仔坦承迷戀52歲古天樂,「我由8歲開始,就好愛慕佢,最癡戀應該係當年睇佢演《尋秦記》,直到𠵱家見到佢,我仲會有心跳感覺。唔知點解,劇中佢個角色好正,我好鍾意男人識顧全大局,控制晒成個場面,男人好似將軍咁,真係好charm。」