在FB的「雞蛋仔關注組」裏，每三四篇發文就有一篇提及潮食雞蛋仔：「雖然遠啲，又唔就腳，但都要『翻兜』」，「要等一個鐘先有，我當然即刻食，好正！」，「專登去買咗個豬柳蛋！梗係正。」

逾廿款雞蛋仔 高峯期需等三小時

這間在沙田乙明邨街市旁的小食店，可謂毫不起眼，若非網民口耳相傳，準沒想到它是雞蛋仔名店。最大特色是店內提供多達廿款雞蛋仔，另有四款格仔餅，其中夾着芝士的豬柳蛋雞蛋仔最受歡迎，創新口味還有蘋果肉桂、手撕雞、焦糖蛋等等。今年四、五月更是生意高峯之時，一底雞蛋仔需等候兩至三小時，原本八時關門的小店更需於下午五點截單才能應付，全日產量500底。被封為香港第一，潮食老闆Jack卻謙虛稱：「呢個第一真係唔敢當，每個人口味唔同，即係你覺得好食，另一個人都可以覺得麻麻哋。」

原為文職的Jack因為想學一門手藝而半路出家，轉行做烘焙，2016年在上水首次開舖，於2019年跨區遷往現址。Jack：「雞蛋仔係好多人童年回憶嚟嘅，起碼你見小食店基本上都有雞蛋仔嘅蹤影，喺大陸或者其他國家都有好多人模仿，將呢種文化傳揚開去，所以雞蛋仔喺香港人心目中地位都幾高。」

老闆心得：有特色才可一試再試

Jack亦表示部份款式也是從自己喜好出發，將自己愛的食物融入雞蛋仔，試驗後再推出市場：「你要有特色先可以吸引到客人光顧，如果無特色，人哋可能試完一次就唔會再試。」附近屋邨與學校都有不少街坊幫襯，亦是附近學生將潮食雞蛋仔放到網上，引來關注。不過高峰已過，潮食亦延長營業時間，現時輪候時間只需十零分鐘，這或許是雞蛋仔同好的喜訊。