泳兒下月2日在九展舉行「VINCY CHAN BREAKING LIVE 2022」演唱會，距離開騷倒數中，「心情開始又期待又緊張，因為好快又要上台，最近都密鑼緊鼓練歌。今次演出，舞蹈唔多，rundown都唱其他人嘅歌」。

朝紅館目標邁進

這次演唱會的賣點？「佢係非一般演唱會，買得飛入嚟嘅觀眾，唔好帶住曾經睇過我演唱會嘅預期，我希望藉住演出，同觀眾一齊同步，同呼同吸，同我一齊去經歷。我仲會將呢幾年經歷，同大家去分享，呢幾年大家都過得唔容易」。歌手都期望踏上紅館舞台，泳兒也朝這目標加速前進：「我未放棄呢個夢想，唔心急嘅，我仲要多少少時間去建立一啲嘢。」

疫下開騷，一旦「中招」就要叫停，泳兒防疫意識強，除了戴兩個口罩外出保護自己，還忍口護聲：「我鍾意飲凍奶茶，但依家所有凍嘢、辣嘢唔食得唔飲得」。夜貓的她也嘗試調節睡眠時間：「想生活規律啲，最佳係瞓到8個鐘，咁我嗰日心情就會好好。」