承印:觀傳媒集團有限公司   地址:香港灣仔駱克道283號華興商業大廈1001室

陸詩韻營商信念:不停推陳出新始有生存空間

-

陸詩韻營商信念:不停推陳出新始有生存空間

陸詩韻近年自創護膚品牌「道DOU」,成績斐然,令她對營商注下強心針,最近再密謀開發新系列品牌,希望打開美容巿場。

Sharon做生意親力親為,在美容展向客人介紹產品。
Sharon做生意親力親為,在美容展向客人介紹產品。

Sharon由公仔箱跳入商界,她深深明白花無百日紅,藝人要天時地利人和,相對做生意可以博一鋪,「喺娛樂圈,好多嘢要等,等人打電話畀你,等去開工,冇咩安全感。做生意雖然都唔係一定成功,但可掌握嘅嘢會多啲,就算輸咗都心甘情願」。

Sharon開過餐廳,也賣過內衣,不過,兩盤生意都中途離場,餐飲食材有期限,賣不出就蝕本,她自覺不適合做餐飲,料不到賣內衣更難,「呢門生意,我除咗參與設計,又要影埋相,壓力好大,唔知點解咁大膽影性感相。雖然partner有廠生產,啲bra分款、分size,要積好多貨。始終香港巿場細,我哋做咗年多、兩年,我發覺都係專心番搞美容生意好啲,就退出咗」。Sharon損失約6位數字,就當交學費。失敗乃成功之母,她汲取的教訓正好發揮在護膚品生意上。

女人貪靚有商機

女性貪靚,Sharon吼準女人錢易賺,「你賺我嘅錢都好容易,我指甲、腳甲、頭髮、眼睫毛乜嘢都要整,每個月起碼都花幾千蚊。女士又好得意嘅,你同佢傾傾吓偈,親和力夠,就算嗰樣嘢唔知啱唔啱用,佢都會買」。她想藉賣護膚品,與姊妹們分享扮靚心得。

過去3年疫情,美容院很多停業,女士們家中「急救」靚樣,網購生意額增長,但Sharon明白做生意不能長靠食老本,產品要不停推陳出新,才有生存空間,「女人唔出街保養吓,可能成個樣都唔同,我哋功能性產品咁啱食住呢個方向,當然呢個亦唔係長期營運模式,要諗方法不停咁變,出啲新產品延續生意」。

密謀開店賣麵包

問Sharon這幾年做生意學會甚麼?她坦言最識計數,「要識睇自己財務報表,就似自己個body check。營運一間公司必須要有兩個『師』傍身,會計師幫手計數,律師就係解決法律責任。」Sharon強調做生意資金要不停流動,「資金出唔到,入唔到,就有困局,我啲產品唔會賣得好貴,希望貨如輪轉,要不停轉啲錢返嚟」。Sharon愛上做生意,下步計劃更想開麵包店圓夢。