「我哋兩個都好執着，對於整餅，好似係需要呢個性格。」做糕餅講求精準，就以Mouton Sweet自家研製的酥皮為例，雖然只使用純牛油、麵粉和綿糖三款食材，但反而令製作難度增加，每一個環節都需要拿捏得剛剛好，例如是溫度和時間。

自家酥皮旺季限量製作

為此，Felix花了多年時間研究與練習，觀察過程，才掌握到純牛油酥皮的完美製法。而且以酥皮製成的蝴蝶酥、杏仁酥和拿破崙千層均不含添加劑，食用期短，需要新鮮焗製，每逢旺季都成為限量產品。其滋味可見於客人在小店專頁的留言：「從來都唔食酥嘅我，你哋嘅蝴蝶酥真係超級好食，我停唔到口！」亦有客人在旅行前特地預訂，帶蝴蝶酥飛過半個地球送到親友家中。

自創橙香朱古力蛋糕

新鮮製作的原則也同樣應用於其他蛋糕。每逢接到訂單，Cherrie都會構思安排製作流程，盡量令蛋糕完成時間貼近客人取貨時間，好等客人嚐到蛋糕最完美的狀態。十多款蛋糕之中，橙香朱古力蛋糕可算是步驟最繁複的其中一款。面層鋪滿新鮮去衣橙肉，側面插上一塊以橙皮與橙汁製成的杏仁脆片；內裏中層是用處理過的橙汁、橙皮和橙肉煮成的啫喱，底層則是同樣自家製作的橙醬。「我哋想做到一個好橙好橙嘅蛋糕，食落去係好清新嘅橙味，配搭黑朱古力嘅淡淡苦味。」Cherrie續說：「因為我哋兩個好鍾意食朱古力橙餅，所以為自己製作，但可能市面上都少同類蛋糕，慢慢都吸引到好多對呢個味道情有獨鍾嘅客人。」