「冇90分嘅產品唔出得街」正是Almond Dessert團隊的口號，反映對甜品品質的要求及堅持。從Almond Dessert花盡心力炮製一年四季都可以吃到高質芒果甜品，可見一斑。它們自設倉庫放置未完熟的芒果，自行催熟最甜美的芒果。

Almond Dessert採用菲律賓呂宋芒，每年約5月至8月是芒果當造時，果肉特別甜。記者試吃Almond Dessert招牌甜品芒果奶昔雙皮奶，發覺10月芒果的甜度與當造期的沒分別，果甜好吃。Lexi解釋說，為了讓客人一年四季都吃得當造芒果，花了好大人力物力，研發成功自行催熟質芒果。

自設倉庫 自行催熟最甜芒果

Lexi表示，早前芒果由供應商負責催熟芒果，但品質很難達到她的要求，於是忽發奇想，大膽地不如自行催熟芒果，「據我所知，香港冇甜品店咁樣做，因為好花時間同成本」。Lexi租了一個巨型倉庫，直接從菲律賓進口未完熟的芒果，入倉催熟，「一排排層架放滿一個個芒果，都好壯觀」。

掌握催熟竅門並不容易，Lexi跟師傅經過反覆測試，終於成功達至當造芒果的甜度。「過程雖然辛苦，大家都好堅持，冇放棄，最終做到最高品質的芒果，一年四季都食到。」Lexi高興地說。

然而，魔鬼教練仍未滿足，新一輪計劃是將芒果催熟至最佳的甜酸度，「最好食的芒果甜中帶酸，依家我哋最大計劃，就係掌握點樣催熟到最好食的芒果甜酸度。雖然唔容易，我哋會堅持去做」。