廣告女神|孖張敬軒拍賀歲片 郭思被蜜蜂針被剪爛裙解圍

-

廣告女神|孖張敬軒拍賀歲片 郭思被蜜蜂針被剪爛裙解圍

有「廣告女神」之稱藝人郭思(Suey)最近密密接job,除了跟多個品牌合作、出席活動,早前又演出音樂劇及與張敬軒、王菀之、魏浚生等齊齊拍攝賀歲片《超神經械劫案下》。昨日(20日)她又為「SEN u LOVE慈善音樂會」擔任嘉賓,跟一眾小朋友大唱聖誕歌及玩遊戲。

Suey跟一眾小朋友大唱聖誕歌及玩遊戲。
Suey跟一眾小朋友大唱聖誕歌及玩遊戲。

「冇豬龍入水咁誇張」

接job接到手軟,問到是否豬籠入水,Suey謙稱:「冇豬龍入水咁誇張,但應付到自己基本生活。而家多咗工作其實都好開心,好感恩客人選擇我同佢哋一齊去合作。」活動上,Suey跟小朋友又唱歌又玩遊戲,氹得他們十分高興,令現場氣氛十分熱鬧,原來她事前做足功課,「我諗得最多係點樣同小朋友可以connect到,因為同小朋友互動、或者同佢哋一齊唱歌,其實更重要係令佢哋投入返喺首歌裏面或者氣氛當中,所以我就會將唱歌呢件事諗得再單純啲,同埋係以小朋友為先。」

她又提到除了早前拍攝電影《超神經械劫案下》時,發生不少難忘事,印象最深是人生第一次被蜜蜂針,「準備埋位嗰一刻,隻蜜蜂捐咗入條裙裏面,連續好快速咁針咗我三下,最後啲工作人員衝晒埋嚟解救,剪爛咗我條裙,先至可以救到我。加上我化咗一個好恐怖嘅妝,但我喺度喊,啲鼻涕滴到我諗有兩米咁長,隻蜜鋒又針我個膊頭,我隻手又郁唔到,好尷尬,最後我一路喊一路講:『唔好意思呀,可唔可以幫我抹鼻涕?跌出嚟啦。』成件事係好搞笑。」

上一篇新聞
下一篇新聞