科技發達加上疫情催使，零售生意不論大小總少不免設立網店。市場上有不少月費或年費形式的網店平台供商戶選擇，即使創業資金不多亦可輕易發展電子商務。「好多人覺得有網上付款系統就可以賣到，但你會發現開咗網店唔等於有生意做，因為現今世代係要全渠道銷售（Omnichannel）為客人提供一個更加個性化嘅消費體驗。」

FB直播推動即時消費 設計美感最重要

全渠道銷售是指品牌掌握所有銷售渠道，包括門市、網店、社交媒體、消費平台、APP等等，獲取第一手數據及客戶資料，藉此為客人提供一致及連續的消費體驗。Sheree舉例解釋：「譬如我去到門市，舖頭有我記錄；喺網上購物你會知道我係邊個，有會員系統，甚至可以連接WhatsApp嘅即時對話；品牌會喺社交媒體同客人互動，接駁埋Facebook shop同IG Shop，客人一路碌IG可以即時連接去網站購買。」她們早前則為飲食公司安排直播帶貨，客人在直播期間看中產品，只需於留言輸入貨品編號，便即時收到該貨品的購買連結。

還有甚麼經營網店的貼士嗎？Sheree續說：「我覺得有一件事好緊要但可能好多人忽略──相要靚，網頁都要靚。始終客人摸唔到產品，好靠一張相去判斷品牌係咪可信，設計變得好緊要。如果你提供靚影片同相，網站設計得好有特色，都會增加好多人嘅購買意慾。」