洪卓立音樂會完美展開 撐過疫情與粉絲一起做個唱故事的人

-

洪卓立音樂會完美展開 撐過疫情與粉絲一起做個唱故事的人

洪卓立(Ken)近年轉戰影視界,在暫別了一陣子歌壇後,終於在2022年尾舉辦了巡迴音樂會,第一站珠海站於日前完美展開,門票開售當天,一小時內就火速售罄,第二站廣州站未開票,粉絲認購已經爆滿。

這次的音樂會在一千人的場地舉行,Ken回應:「其實好耐無開類似嘅個人音樂會或者演唱會,好想喺相對嚟講叫做近距離啲嘅場地接觸吓觀眾,唔想隔到好遠咁揮手,我都唔知個觀眾係咪望緊我,但琴日嘅表演係近到伸手可以摸到,同粉絲近到不停低炒影相。」

洪卓立在首站珠海站與歌迷近距離接觸。
洪卓立在首站珠海站與歌迷近距離接觸。

第二站廣州 粉絲認購已爆滿

提到音樂會主題,Ken表示大有含意並解構,「之前喺唔同嘅社交平台,我有時都會開心事台,等粉絲又或者有留意我嘅朋友留低一啲心事或者心入面嘅說話,後來越積越多,後尾經過大家嘅同意,我最後將呢啲『來信』轉化做影片,同大家一齊分享唔同人嘅故事,希望可以透過網絡安撫吓大家,慰藉到大家嘅情緒,所以就創作咗一個叫『說故事的人』系列。去到音樂會嘅時候,我就覺得不如就將呢個系列搬上舞台啦。」

至於同女友劉沛蘅(Hillary)幾個月無見,有沒有不習慣?Ken搞笑地說:「有唔習慣㗎,生活入面突然少咗個人成日折磨你。不過好彩都可以傾吓視像電話。」

洪卓立音樂會,12月26日將會舉行廣州站,然後明年將會繼續餘下幾站的演出。

上一篇新聞
下一篇新聞