全港首創XR團隊訓練系統 鄺銘毅打造鐵甲奇俠夢

-

全港首創XR團隊訓練系統 鄺銘毅打造鐵甲奇俠夢

「我其中一個職責就係去了解每日世界發生唔同嘅事。」與其說是工作,Robocox行政總裁鄺銘毅(Ronald)的語氣更像是陳述一己使命。昔日迷上科幻電影的青年,今日致力以科技協助企業突破,首創獨家VR員工培訓程式,研發混合虛擬與實境的會議系統。「你可以咁講,始終我都係為咗圓Ironman夢去做XR。」

文:亦童|攝:Ramond Ho

三年前,微軟公司推出MR智慧眼鏡HoloLens 2,用家戴上顯示器後,一下眨眼一個手勢,即能將虛擬與現實混合。醫生可在手術期間將X光片重疊到病人身上,即時看到皮膚下的血管和骨骼;機械工程師可憑空變出數據圖表;建築師只需觀看建築物,程式便會自動量度尺寸與角度,猶如科幻電影情節。「機緣巧合之下我玩咗一次,即刻覺得『嘩我咪係Ironman?』有咁正嘅技術,我就開始去了解咩係MR。」說起創業起點,23歲的Ronald難掩笑意,皆因他自小偶像正是科幻電影主角鐵甲奇俠(Ironman),對電影裏型格的高科技世界很是嚮往。

把科幻變為現實  解決企業問題推高生產力

傳統社會勸年輕人空想發夢不如腳踏實地,但時代變更,夢想與現實絕對可以並存,夢想更是突破的動力。畢業於英國倫敦大學學院(UCL)經濟學系,Ronald對科技的着迷不流於享受,因為這次難忘的經驗,他開始鑽研XR延伸實境技術:「我一向覺得科技係唯一一個令企業進步嘅方式,例如兩個世紀前嘅工業革命,都係當時發明咗機械,提升工廠嘅生產力,我哋嘅世代就係去發掘更多科技。」當時仍在大學最後一年的他,年僅20歲就成立科技公司Robocox,以「把科幻變為現實」作理念,為企業量身訂造方案,以科技解決問題,推高生產力。Ronald說不同企業有不同痛點:「我哋團隊有動畫師、程式工程師、XR顧問…佢哋會同客人商量出有效解決問題嘅方案,對企業及其顧客都有好處。」團隊就曾經受國際知名時裝品牌委託,製作一間VR虛擬陳列室,供客人遙距試身採購。

「將科幻成真」是公司口號,亦是Ronald著迷的世界。
「將科幻成真」是公司口號,亦是Ronald著迷的世界。

不過,Robocox現時重點業務是全港首創、以自家研發的VR程式RATAS為企業提供VR團隊建立(team building)培訓。有別於傳統實體團隊建立活動,Robocox會為客戶提供最多45部無線頭戴顯示器Oculus Quest 2,過程中用家完全沉浸於虛擬場景,與隊員合力完成不同任務,從遊戲中提升團隊凝聚力。

邀心理學家合製VR遊戲 顛覆傳統團訓模式

Ronald指傳統活動受限於場地、天氣或限聚令,亦牽涉瑣碎問題如買保險等行政需要,虛擬世界則不受此限。「我哋嘅遊戲係同本港一啲資深心理學家合作,用心理建設考量研發,唔係單純追求快感、刺激嘅遊戲,目的係協助企業,加強佢哋團隊嘅溝通能力、向心力及領導才能等等。」業務推出接近一年,Robocox訓練系統服務過的企業包羅萬有,包括銀行、保險公司、時裝品牌、廚具品牌及設計公司等等。Ronald亦對自家技術非常有信心:「基本上每個行業都要做團隊建立,我哋核心理念係用科技去增強企業生產力,目前客戶反應非常之好,玩家真係感覺到團隊關係明顯緊密咗好多。我都會有滿足感,帶到新元素入去傳統 嘅做法,將整個team building行業推上一層樓。」Ronald與團隊目標明確,冀Robocox VR團隊培訓系統能於今年內達到五成市場佔有率。與此同時,公司另一項突破性科技亦即將面世──MR混合實境會議系統。

為企業提供最多45部VR眼鏡,由Robocox團隊於電腦後台同步操作,玩家甚至毋須自行登入遊戲。
為企業提供最多45部VR眼鏡,由Robocox團隊於電腦後台同步操作,玩家甚至毋須自行登入遊戲。

「最緊要完美 完美又好玩就更好喇」

MR技術讓使用者透過頭戴顯示器看到虛擬物件重疊於真實環境,並且能與虛擬物件互動,如上文所述,最為人識的MR場境要數《鐵甲奇俠》劇情。該技術早已面世並應用於專業實戰,Ronald指出:「主力研發MR嘅公司喺美國,但如果你問香港會唔會有公司研發緊,我哋公司就係喇。其實唔係太『未來世界』喇,因為我哋呢個產品估計年半內就會出世。」

他們研發的跨地區會議系統不止突破地域界限,只要戴上顯示器用家可隨時分享立體資訊。Ronald說起開發過程依然十分興奮:「個系統係好勁!你想像一下,我一揮手就拉到個網站出嚟畀你睇,想睇邊個project,一拉就有個3D模型,你鍾意點舞佢都得。」追問到底,工作當中亦有私心:「作為一個男仔,我覺得呢個技術好型! 𠵱家個市場未畀到我咁型嘅產品,咁我就去研發,等自己快啲有得玩。」目前會議系統建立得七七八八,仍待完成各項測試。「咁龐大嘅系統要試好耐,如果唔係就會有好多漏洞。」完美主義者的Ronald如是說:「最緊要係完美,完美得嚟好玩就更好喇!」

疫情過後,全球各地解封,市場將迎來眾多轉變及機會。Robocox在疫情期間成立,過往兩年多受限於疫情:「因為我哋個系統係內置喺硬件入面,解封前無辦法將VR眼鏡運去其他國家,我都唔以可飛過去,所以之前拒絕咗好多外國企業。 𠵱家方便好多,我哋可以喺外國設立一整個團隊,隨時兩地往返。配合埋內地通關,市場會再擴大,其實大家都真係好想做生意喇!」