日前張敬軒在毫無預警下，預告由他主理的全新網上綜藝節目《軒公敲碗》第二季於13日晚首播，首集內容日請來商台DJ阿正，孖住軒仔齊齊按魔師初體驗，二人互當對方的按摩技師，笑料日出。而節目上架半日即登可熱門首位，上架短短兩日點擊率已超過40萬人次，認真厲害。

張敬軒勁啪阿正腳趾罅

節目中二人去到按摩店，互相幫對方按摩，軒仔身先士卒，為阿正做腳底按摩，更揚言，：「我好想捽你啲腳趾罅！一定會令你欲仙欲死。」按摩期間，阿正被軒仔弄得不停大叫，軒仔也忍不住笑說：「好似拍緊AV咁呀，哈哈。」隨後到「戲肉」部份，軒仔請教現場的一位顧問如何「啪腳趾」，雖然最初頭兩雙腳趾未「啪」出聲音，但隨後兩隻成功，軒仔雖然捽到手指又紅又瘀，但終於又一「成就解鎖」。

網民：笑足半個鐘幾乎要去急症室

玩完腳底按摩後，便輪到阿正為軒仔做泰式body massage，軒仔瞓上按摩床，雖然旁邊亦有技師指導，但見到床上的軒仔，阿正已按捺不住對軒仔上下其手，又「knock手knock腳」，全程於一於阿正的歡笑聲及軒仔的慘叫聲渡過。

《軒公敲碗》第二季，引爆大量笑彈，難怪網民一篇贊好：「簡直係謀殺啊！大佬阿要笑足半個鐘幾乎要去急症室啊！」、「笑足全程，一個明星可以咁真咁貼地。 真係好佩服」。有網民建議阿軒和阿正兩人多點合作，是綜藝節目難得一見的人才。