承印:觀傳媒集團有限公司   地址:香港灣仔駱克道283號華興商業大廈1001室

入行40年|林敏驄西九開騷  戚美珍撲飛捧場

-

入行40年|林敏驄西九開騷  戚美珍撲飛捧場

林敏驄將於本月18日和19日在西九文化區舉行兩場個人作品展演唱會 ,名為「蘇格蘭場今天星閃閃林敏驄暨車總腦交戰時日如飛40周年成人禮作品展演唱會之PART 2 更精采」。圈中人緣甚佳的阿驄宣佈開騷,據悉其好友三嫂、苗僑偉老婆戚美珍已訂購了大叠門票捧場。

隔空呼喚關淑怡出山助陣

這個騷的賣點,當然又是星光熠熠,阿驄過去創作無數經典金曲,主唱歌手樂於撐場作品展。「我有好多好歌,多到有啲都唔記得咗,時日如飛,𠵱家聽番都覺得好正,觀眾角度,失驚無神一首又一首,好touching,唔好話邊個唱,淨係聽番啲歌詞,仍然好震撼。隻隻歌都有段記憶,令你返去當時情景。」

林敏驄拍攝演唱會海報表情多多。
林敏驄拍攝演唱會海報表情多多。

阿驄近日不停更新嘉賓名單,甚至隔空呼喚關淑怡出山助陣大唱《再會》:「依家全城呼喚關淑怡,真係要睇緣份,佢嚟到咪嚟, 嚟唔到都冇辦法。」阿驄大爆已聯絡了雷安娜會由加拿大回來演出,「佢首《彩雲曲》真係好聽。上次我開騷,佢返唔到嚟,今次佢就到時間。我愧對呢班歌手,平時又唔搵人,要幫手先搵人。但大家都好忙,大家都未停過,𠵱家開番關,大家都去搵錢喇!」問到阿驄自己會選唱哪一首金曲?他搞笑說:「咁多人都唔使我唱喇,我淨係用個名搵錢,我出來收飛、收銀呀!」

林敏驄呼喚關淑怡出山助陣大唱《再會》。林敏驄fb
林敏驄呼喚關淑怡出山助陣大唱《再會》。林敏驄fb