入行40年|驄哥自嘲太蠢唔識追女仔

-

入行40年|驄哥自嘲太蠢唔識追女仔

對於創作人來說,靈感很多時源自生活,音樂才子林敏驄不諱言感情生活曾為他帶來靈感,八十、九十年代靈感如泉湧,他作了不少經典情歌,《忘不了你》、《戀愛交叉》、《愛在深秋》、《霧之戀》、《深愛着你》、《只知道此刻愛你》等令樂迷百聽不厭。

音樂才子林敏驄在八十、九十年代創作了不少經典金曲。
音樂才子林敏驄在八十、九十年代創作了不少經典金曲。

擇偶條件「眼耳口鼻乜都有少少」

經歷兩段婚姻的阿驄,回復自由身後還過着單身生活,不過,皇帝唔急太監急,身邊朋友都關心他的感情生活,希望他早日迎來第三春,有緣找到一個合適的伴侶。「唔係冇機會,唔係冇遇到,係太多嘢做,冇時間去follow up呀!」阿驄有甚麼擇偶條件?向來避談感情事的他又耍太極:「眼耳口鼻乜都有少少。」 

其實現實生活是否很習慣獨自生活?他說:「尤其創作嘅時候,一個人先做得快,我就鍾意自己靜靜哋一個人。」阿驄坦言對感情事從不強求,一切隨緣 。他謂自己不會採取主動去追女仔,何不叫身邊同性友人教路?阿驄自嘲,「冇得教,人蠢學唔識」。