歌手張敬軒(軒仔)在英國倫敦百年歷史的殿堂級場地Royal Albert Hall的《the PRIME CLASSICS HINS LIVE in LONDON 張敬軒倫敦演唱會》一連三場爆滿，其間收到黃偉文(Wyman)為軒仔新曲《隱形遊樂場》填上的詞，團隊僅花一晚便完成編曲，並在尾場來一個新歌preview，軒仔直言這是一份很珍貴的禮物。

軒仔作為為首位在Royal Albert Hall舉行演唱會的華人歌手，在尾場除了唱出多首耳熟能詳金曲，亦不忙跟觀眾互動，更收到歌迷送上榴槤一個，軒仔「抱着」榴槤說：「恭喜你呀，你一定係史上第一個進入Royal Albert Hall嘅榴槤啦，你威過我呀而家」引得全場爆笑。

而是夜亮點則是壓軸歌曲，軒仔唱出由自己作曲、Wyman填詞還未發佈的新歌《隱形遊樂場》。演唱會上軒仔解構歌曲由來，原來去年10月本想請Wyman為收回來的曲填詞，但Wyman反建議他親自作曲，軒仔亦覺得是好提議，於是重拾創作歌手身份，「咁我寫呀寫，寫到年底中咗covid都未寫」。到出發倫敦前，軒仔把曲作好傳給Wyman，「寫呢首歌嘅時候有一種好強烈嘅孤獨感，呢幾年嘅疫情，成個世界包括我哋生活環境嘅轉變，我成日睇住啲新聞都會有一種抖唔到氣嘅感覺，於是我將呢首歌嘅demo name咗做《Goodbye》，因為我想同呢種唔鍾意嘅無力感say goodbye」。

軒仔指平時經fax或電郵收Wyman填的詞，但今次就在尾場前一晚，收到Wyman放入歌詞的淺藍色信封，「係阿Y送俾我一份倫敦嘅紀念品，亦都係送俾香港人嘅一份手信，Wyman總係可以將一啲negative嘅嘢開出花來，佢將呢首歌、呢個旋律，寫咗《黃色大門》嘅呢個番外篇」。軒仔隨即找來合作無間同時亦是是次演唱會的音樂總監Johnny Yim為新歌編曲，不足二十四小時便已編好《隱形遊樂場》讓他於尾場獻唱，送給Wyman及倫敦樂迷。據知，軒仔及團隊已經於倫敦租錄音室灌錄這首新歌，香港樂迷亦很快聽到成品。

完成倫敦演唱會後，軒仔仍未能停下來，因為6月要為香港的《Revisit張敬軒演唱會》進行補場、7月再轉到美國拉斯維加斯、Reno、紐約進行巡演。