91歲的黃夏蕙與老公潘炳烈，昨晚在尖沙嘴一間酒樓設宴，筵開80多圍，慶祝珊瑚婚生日P，座無虛設。夏蕙BB更邀得好友劉錫賢做大會司儀，他穿上紅色西裝，配合喜氣洋洋氣氛。薛家燕、「音間皇帝」丁羽、潘志文和周潤發胞姐周聰玲等都畀面撐場。八千多位賓客與夏蕙BB一同慶祝這晚大日子，場面難得虛冚。

夏蕙BB以白色婚紗的新娘子造型出場，賓客見到爭相要與她集郵，台上一早準備了兩隻大燒豬和兩個蛋糕，夏蕙BB與老公潘炳烈這對「新人」更一齊切燒豬，嘉賓又大合唱生日歌給夏蕙BB贈慶，潘炳烈看到老婆開心，他都笑咪咪。

35年愛的秘密

夏蕙BB表示婚紗款式由自己親自設計，她自豪身形很fit，比當年結婚還勝一籌。談到夫妻相處35周年，仍然恩愛，夏蕙BB分享當中秘密：「我哋會互相遷就，互相忍讓扶持，仲會日日都錫錫呀！」

薛家燕和丁羽被邀上台向夏蕙BB送祝福，她說：「夏蕙姨睇住我大，佢係一個心地善良嘅人，又鍾意幫朋友同社會，真係好感激佢，我祝佢哋白頭到老，永遠都咁甜蜜同恩恩愛愛。」丁羽指認識夏蕙BB數十載，稱讚她由細靚到現在，他自爆曾對她「起痰」，但大家多年維繫着真摯友情。

此外，夏蕙BB近日獲邀為Tana電動油壓儲物床拍廣告，並推介床褥和枕頭讓她瞓好精神好，加上昨晚是大日子，她自然心情大靚，全晚笑不攏嘴，Tana的老闆Joanne也有到賀。