91歲高齡的黃夏蕙都影「床照」。有冇搞錯？「好奇咩，唔使大驚小怪。」她風騷地說：「我拍油壓床同床褥廣告，梗係要舒舒服服瞓喺床上面啦!」夏蕙BB趁有工開狂搲銀賺買餸錢。

文：比華利  攝：Marco

黃夏蕙去年8月孖賽車手老公潘炳烈離港赴美，玩了大半年，疫情退減，全球通關復常。活躍好動的夏蕙BB又飛返來，她始終不捨香港這個家。

夏蕙BB最近獲邀拍攝油壓床、床褥和枕頭廣告，拍攝當天，她精神奕奕到場，她躺在床上，邊拍邊讚床褥軟硬適中，又有獨立袋裝彈簧，夏蕙BB瞓身演出，實在又太舒服，她笑言不是要轉甫士，差點要瞓着。

雖然是高齡，但夏蕙BB的行動比同齡長者更靈活，腰肢亦挺直，不遜後生仔女，她認為睡眠質素好，更勝天天吃補品。「我咁嘅年紀，最緊要行得、走得、食得同瞓得，我唔算好早瞓，亦唔係瞓好多，但睡眠質素一向好好，熟睡到天光，因為我好識揀啱自己嘅床褥同枕頭，一旦揀唔好，對脊骨、肩頸都唔好。」

爆潘炳烈扯鼻鼾 嘈到似轟炸機

夏蕙BB還大爆老公潘炳烈的閨房秘密，「以前佢瞓覺成日扯鼻鼾，晚晚嘈到我瞓唔到，好似轟炸機咁，後來我換咗張床同新枕頭畀佢，老公連鼻鼾都冇埋， 真係頂呱呱。」 她還有一個養生貼士，就是每天飲普洱茶加蜜糖，「我唔飲凍嘢，又唔鍾意飲滾水，只係鍾意飲普洱茶，加埋蜜糖飲好好，我成日都帶住一壺傍身。」

疫情影響各行各業，夏蕙BB指過去三年爆疫工作停頓，就避疫在家，買餸煮飯照顧老公。「疫情令我失業咗幾年，而家正常番，我都多番嘢做，一返來就接咗好多廣告，點會唔開心!」笑言賺錢買餸的夏蕙BB，今年與老公結婚35周年，問到會互送禮物嗎？她說：「我哋老夫老妻喇，唔使送嚟送去，佢嘅錢咪即係我嘅錢，我嘅錢就係自己嘅錢，我哋講心唔講金。」

【夏蕙BB推介】 Tana酣睡三寶

獨立袋裝彈簧床褥：Tana的床褥採用獨立袋裝彈簧，承托力足夠，躺下時完全配合身體曲線，令全身可以緊貼着床，如同有人抱着安眠，非常舒適，尺寸更可以為客人度身訂製。

輕柔回彈枕頭：Tana的枕頭，比其他品牌優勝是多800倍以上支點，睡眠時肩頸和腰背都可以完全放鬆，同時保持氣道暢通，還可以減少打鼻鼾情況。

電動油壓儲物床：它有別傳統的油壓床，不必費力便提起，免去弄傷腰部和膝蓋的機會。因為是電動關係，只要輕按遙控便可以自動升起床架，床下寬敞的儲物空間，足以存放行李篋和被鋪，還可當成衣物櫃兩用，十分方便。油壓床也可因應顧客家居空間訂製，用盡每一處。